प्रदेश खेलकुद परिषद गण्डकीको आयोजनामा शनिबार सम्पन्न भएको गण्डकी प्रदेशस्तरीय शारीरिक सुगठन प्रतियोगिताको उपाधि रत्न श्री जिम, तेर्सापट्टिका सुजन थापाले जितेका छन् । उनले ६० केजी तौल समूहमा प्रथम हुदैं ओभरअल प्रतिस्पर्धामा उनले मिष्टर गण्डकीको उपाधि पाए । सो प्रतिष्पर्धामा पुरुष फिजिकमा रोशन उपरकोटी र महिला तर्फको वेलनेसको पुरस्कार विपना कुमालले जितेकी छन् ।
प्रतिस्पर्धामा ५५ केजी तौल समूहमा प्रज्वलराज जिसी प्रथम, मौलादिन मियाँ, दोस्रो र रोहित श्रेष्ठ, तेस्रो स्थानमा रहे ।
६० केजी तौल समूहको प्रतिस्पर्धामा सुजन थापा, कृष्ण गुरुङ र सुजन पुन क्रमश प्रथम, द्धितीय र तृतीय भए ।
६५ केजी तौल समूहमा कुशल गुरुङ प्रथम, विक्की गुरुङ दोस्रो र रिक्की गुरुङ तेस्रो स्थानमा रहे ।
७०केजी तौल समूहमा कृष्ण भण्डारी प्रथम, मित्रबहादुर गुरुङ र सक्सेस गुरुङ क्रमश दोस्रो र तेस्रो भए ।
७० केजी तौल माथिको प्रतिस्पर्धामा शंकर सुवेदी प्रथम, सुनिल कुशवाकर, दोस्रो र अशोक शेरचन , तेस्रो बन्न सफल भए ।
पुरुष फिजिक तर्फ रोशन उपरकोटी, प्रथम, सिजन गुरुङ, दोस्रो, अनिल गुरुङ, तेस्रो हुन सफल भए ।
महिला वेल्नेसको उपाधि विपना कुमाल प्रथम, अनिता मगर, दोस्रो र उमा पुन तेस्रो बनिन् ।
सो प्रतियोगितमा ४० जना खेलाडिहरुको सहभागीता रहेको थियो ।
