अन्तरवार्ता

म्याराथनका धावक एबिसी प्रस्थान

दोस्रो अन्नपूर्ण सेञ्चुरी पर्यटन महोत्सवको मुख्य आकर्षण अन्नपूर्ण म्याराथनमा सहभागी हुने धावक अन्नपूर्ण आधार शिविर (एबिसी) प्रस्थान गरेका छन् । म्याराथनको प्राविधिक टोलीसहितका
धावकलाई आयोजक संस्था अन्नपूर्ण सेञ्चुरी पर्यटन महोत्सव–२०७६ मूल व्यवस्थापन समितिका संयोजक ललित गुरुङले बुधबार पोखराबाट बिदाइ
गरेका हुन् ।

खेल पर्यटनको विकास र विस्तार गर्न अन्नपूर्ण पदयात्रा मार्गमा हुन लागेको म्याराथनमा ७० धावक सहभागी हुने संयोजक गुरुङले जानकारी दिए । उनका अनुसार धावकहरू एबिसी पुगेपछि
स्वास्थ्य परीक्षण गरेर मात्र म्याराथनमा सहभागी हुन पाउनेछन् । अन्नपूर्ण आरोहण दिवस (जुन ३) को सन्दर्भमा आयोजित म्याराथन जेठ २० गते बिहान
६ः३० बजे एबिसीबाट आरम्भ हुनेछ ।

एबिसीबाट शुरु हुने ४२.१९५ किलोमिटर दूरीको म्याराथन माछापुच्छे« आधार शिविर, बगर, देउराली, हिमालय, दोभान, सिनुवा, भनुवा, छोम्रोङ, घुर्जुङ, चुइले, टाँडापानी, भैँसीखर्क हुँदै घान्द्रुकमा
समापन हुने म्याराथन प्राविधिक निर्देशक भूतपूर्व खेलाडी मञ्च नेपालका सल्लाहकार खड्कबहादुर रानाभाटले जानकारी दिए ।

सन् १९५० जुन ३ तारिखका दिन फ्रान्सेली नागरिक मौरिस हर्जोगको टोलीले अन्नपूर्ण प्रथम हिमालको सफल आरोहण गरी ८ हजार मिटर अग्लो हिमाल आरोहणको इतिहासमा विश्वकीर्तिमान राखेको दिनलाई अन्नपूर्ण आरोहण दिवसका रुपमा
मनाइने गरिन्छ । म्याराथनको रुटमा आवश्यक पर्ने स्वयंसेवक, स्वाथ्यकर्मी जर्जसहित आवश्यक उपकरण एवं अन्य सामग्रीको व्यवस्थापन पूरा भएको सहायक प्राविधिक निर्देशक कृष्णबहादुर बस्नेतले जानकारी दिए ।

म्याराथनमा प्रथम हुने धावकले १ लाख ५ हजÞार र दोस्रो हुनेले ७५ हजार नगद पुरस्कार र प्रमाणपत्र प्राप्त गर्नेछन् । तेस्रो हुनेलाई ५५ हजार नगद पुरस्कारको व्यवस्था छ भने उत्कृष्ट १० धावकलाई
सान्त्वना पुरस्कार दिइनेछ ।

जेठ १७ देखि २० गतेसम्म कास्कीको पर्यटकीयस्थल घान्द्रुकमा हुने महोसत्वको सम्पूर्ण तयारी पूरा भएको छ । महोत्सवको शुभारम्भ नेपाली कांग्रेसका संसदीय दलका उपनेता, नेपाल
सरकारका पूर्वउपप्रधानमन्त्री एवं नेपाली कांग्रेसका उपसभापति विजयकुमार गच्छदारबाट हुनेछ ।

अन्नपूर्ण पदयात्रा मार्गको पूर्वाधार विकास गरी त्यस क्षेत्रको पर्यटन प्रवद्र्धन गर्न अन्नपूर्ण सेञ्चुरी पर्यटन समितिले गत वर्षदेखि अन्नपूर्ण म्याराथनसहितको महोत्सव आरम्भ गरेको प्रचारप्रसार समितिका
संयोजक टंकराज अधिकारीले जानकारी दिए ।

Leave a Reply

avatar
  Subscribe  
Notify of

Comment here