समाचार

कमला घिमिरे र प्रिन्स लम्साल आउने


पोखरा, १२ माघ
पोखरा महोत्सवको अन्तिम दिन आइतबार पछिल्लो समय दोहोरी गायर भाइरल बनेकी कमला घिमिरे र प्रिन्सि लम्सालको प्रस्तुति रहने भएको छ । महोत्सवमा आउने दर्शकले दोहोरीबाट भाइरल बनेकी कमला घिमिरे र प्रिन्स लम्सालको माग गरेपछि आयोजकले उनीहरूलाई आइतबार दिउँसो स्टेजमा उतार्ने भएका हुन । उनीहरूले विशेष समय लिएर पोखरा महोत्सवमा आउने दर्शकको मागलाई मध्येनजर गरी दोहोरी प्रस्तुत गर्ने महोत्सवका सांस्कृतीक संयोजक राजु श्रेष्ठले जानकारी दिए ।
घिमिरे र लम्साल संगै लोकदोहोरी गायक गायिका सरला पाण्डे, कुमार पुन, दिला बिक, सुरेन्द्र गुरुङ, टेक क्षेत्री, शिवहरि ढुंगाना, सीता परियार, सीता केसी, निश्चल थापा, प्रशान्त तामाङ, परशुराम अधिकारी, किसान नेपाली लगायतको प्रस्तुति रहने आयोजकले जनाएको छ । यसैगरी संस्कृतितर्फ बगालेटोल तायाः मचाः समितिको गाईजात्रा नृत्य प्रस्तुति रहने छ भने सांँझको पप तथा लाईभ कन्सर्टमा अनुप्रस्था र मेलिना राईको प्रस्तुति रहनेछ ।
महोत्सवमा शनिबार दर्शकको उल्लेख्य सहभागीता रहेको थियो । दर्शकसंगै महोत्सवमा कारोबार समेत निकै बढेको छ । महोत्सवमा शनिवार उपस्थित दर्शकहरूलाई चर्चित लोकदोहोरी गायक बद्री पंगेनीको लोकदोहोरी प्रस्तुतिमार्फत दर्शकले भरपूर मनोरन्जन लिए । पंगेनीसंगै लोकदोहोरी गायक गायिकाहरू प्रजापति पराजुली, तारापति सुवेदी सुरेन्द्र गुरुङ, पूर्ण परियार, रामजी पौडेल, दिलु लामा, सविना गुरुङ, सरिता सारु मगर, टस गुरुङ, बिकास नेपाली, टेक क्षेत्री, सुरेस राना मगर लगायतको प्रस्तुतिमा दर्शकले भरपूर मनोरन्जन लिए ।
शनिवार आधुनिक गायक सन्तोष बस्याल र सांँझको पप कन्टसर्टमा अन्तराष्ट्रिय ब्याण्ड मन्त्र र स्थानिय ब्ल्याक रोजको प्रस्तुतिमा युवाहरूले भरपुर मनोरन्जन लिएका थिएभने संस्कृतितर्फ माटेपानी मगर समाजको मगर संस्कृतिमा आधारित कौरा नृत्यको प्रस्तुति रहेको थियो ।

Leave a Reply

avatar
  Subscribe  
Notify of

Comment here